Actividades Lecer: Viaxe pola ría de Ferrol

LECER NÁUTICO:

VIAXE EN BARCO POLA RÍA DE FERROL

Informámosvos de que temos 8 plazas disponibles para unha actividade GRATUITA no mar, trátase dunha viaxe en barco percorrendo a ría de Ferrol, e que nos facilita COGAMI a través do seu programa de LECER NÁUTICO. Se realizará o día 4 de XULLO en horario de tarde de 16:00 a 19:00 h. 

Podedes apuntarvos ata o vindeiro martes 25 de XUÑO. ¡ANIMARVOS!

Podedes confirmar asistencia chamando o 981 946 319 ou a través do noso correo electrónico: aspanemi@gmail.com.

Necesitamos que nos facilitedes: nome completo, DNI e teléfono de contacto. E se algún usuario vai en silla de rodas, precisamos que nos informedes para solicitar a grúa de acceso o barco.

Recomendacións: É necesario que levedes roupa e calzado cómodo, así como bañador e toalla, gorra,... por si fai bo día e roupa de abrigo e chuvasqueiro por si refresca o tempo, así como unha muda para cambiarvos ao remate da actividade. Tamén debedes levar crema de protección solar e recomendamos BIODRAMINA para previr os posibles mareos e gozar da navegación. Non se recomenda inxerir demasiados líquidos antes da actividade.

Información Axudas.

NOTA INFORMATIVA 

BECAS DOCUMENTACIÓN

Informámosvos de que convócanse bolsas para a formación práctica de documentalistas.

Das devanditas bolsas reservarase unha delas para a súa concesión entre persoas con DISCAPACIDADE de grao igual ou superior ao 33% sempre que reúnan os requisitos establecidos na base cuarta e acrediten, dentro do prazo a que se refire o apartado 2 da base quinta, o indicado grao de discapacidade e a compatibilidade co desempeño das tarefas e funcións correspondentes. No caso de que a devandita bolsa non quedase cuberta, acrecerá á quenda libre.

PREMEDE AQUÍ PARA IR Á AXUDA

Para máis información en torno a este tema ir o BOE, ou chamar directamente

902 365 303 / 911 114 000
Horario: de luns a xoves, de 9:00 a 17:00 h.;viernes, de 9:00 a 14:30 h.
Horario de verán (do 15 de xuño ao 15 de setembro): de luns a xoves, de 9:00 a 15:00 h.; venres, de 9:00 a 14:30 h.

Tapóns Solidarios: Campaña Alba La Promesa Xuño´13

VOLUNTARIADO TAPÓNS ALBA A PROMESA

O próximo XOVES 20 de XUÑO PRECISAMOS VOLUNTARIOS para a selección de tapóns en San Sadurniño é que posteriormente se levarán a Nave de Amenadás para o seu almacenaxe, o punto de encontro e na nosa asociación ás 09:00 h. da mañá, para logo ir cara San Sadurniño xuntos, se alguén non dispón de vehículo podémolo acercar.

Sabemos que é unha hora complicada, se podedes colaborar contactade con nós ven por Tlf; 981 946 319, correo-e; aspanemi@gmail.com ou facebook.

Xornada´13: Intervención en Discapacidades Múltiples"

XORNADA AS.PA.NE.MI.: "INTERVENCIÓN EN DISCAPACIDADES MÚLTIPLES"

A concelleira da área de Promoción Social do Concello de Narón, Teresa Sabio Rodriguez, inaugurou o pasado venres 14 de Xuño a xornada da Asociación de Pais de Nenos con Minusvalía (ASPANEMI). Esta Xornada foi unha introducción a intervención  multidisciplinar nas polidiscapacidades, e nela deuselle unha especial relevancia as discapacidades múltiples relacionadas coa visión, como é o caso da Sordoceguera.

As xornadas celebráronse no Café Teatro do Pazo da Cultura de Narón, e contaron cunha audiencia total de 47 persoas.

Os relatorios correron a Cargo de Carlos Gonzalez, profesor do equipo específico da ONCE; Rocío Torres Santiago, mediadora de persoas con sordoceguera en FOAPS, e Carmen Ponce Durán, socio-fundadora de APASCIDE e nai dun mozo con discapacidade múltiple.

Deixámosvos un resumo da temática das ponencias:

Deficiencia visual/cegueira e polidiscapacidade
- Funcións do sistema visual.
- Estratexias de intervención.
- Colaboración interprofesional
Relator: Carlos Gonzalez Benito. Profesor do equipo específico de atención a cegos e deficientes visuais. ONCE.

Estratexias de Comunicación e intermediación familiar.
- A intervención en colexios, familia e ocio.
- Comunicación: Problemática e repercusións.
- As Ong´s e a súa función interdisciplinar.
Relatora: Rocío Torres Santiago. Mediadora de persoas con sordoceguera en FOAPS e mediadora e responsable de ocio en APASCIDE Galicia.

Apoio familiar nas discapacidades múltiples.
- Apoio Familiar: atención psicolóxica e respiro familiar.
- A vida familiar cun fillo con discapacidade múltiple.
Relatora: Carmen Ponce Durán. Sociafundadora de APASCIDE e nai dun mozo con discapacidade.

Aviso Informativo.

NOTA INFORMATIVA PARA OS NOSOS USUARIOS

Mañá mércores 12 de Xuño de 2013 a asociación permanecerá pechada por apoio a Folga comarcal.

Se precisades dalgún tipo de información podedes deixarnos aviso a través do noso Tlf: 981 946 319, correo-e:aspanemi@gmail.com, Blog ou perfil de Facebook. Responderémosvos o antes posible.

Xornadas AS.PA.NE.MI. 2013

XORNADA AS.PA.NE.MI.:

"INTERVENCIÓN EN DISCAPACIDADES MÚLTIPLES"

O vindeiro venres 14 de Xuño as 18:00 h, no Café Teatro do Pazo da Cultura de Narón, celebrarase a Xornada que AS.PA.NE.MI. quere adicar a intervención multidisciplinar na problemática das polidiscapacidades.

Dende AS.PA.NE.MI.,queremos reivindicar que non hai dous nenos que sexan iguais e isto é aínda máis certo cando se trata de mozos e mozas con discapacidades múltiples. Os puntos fortes e as súas necesidades son únicamente seus. Varían moito nas súas habilidades, intereses, capacidade de usar a vista e outros sentidos, antecedentes familiares e personalidade, e polo tanto é de vital importancia que a intervención veña dada por un equipo multidisciplinar dende a etapa máis temprana da discapacidade.

Esta xornada e unha breve introdución a intervención con este tipo de problemática, e con ela prentedemos ensinar as familias, orientar os profesionais e concienciar a sociedade.

As xornadas serán inauguradas por Teresa Sabio, Concelleira de Promoción Social do Concello de Narón, e presentadas por Montserrat Fraga Pérez, Presidenta de AS.PA.NE.MI., como relatores convidados contamos coa asistencia de: Carlos Gonzalez Benito, Profesor del equipo específico de atención a cegos y deficientes visuales de la ONCE; Rocío Torres Santiago, Mediadora e responsable de ocio en APASCIDE GALICIA; e Carmen Ponce Durán, socia fundadora de APASCIDE e nai de un mozo con polidiscapacidade.

A ENTRADA E LIBRE E ABERTA A CALQUERA TIPO DE PÚBLICO

Deixámosvos a continuación o tríptico coa programación da Xornada

Se queredes saber máis da actividade podedes contactar con nos a través do noso Tlf: 981 946 319, correo-e:aspanemi@gmail.com, Blog ou perfil de Facebook.

Axudas Educación Xunta e Campamentos ASEM

AXUDAS LIBROS DE TEXTO XUNTA E CAMPAMENTOS ASEM

Hoxe querémosvos informar de dúas cousas:

1. ASEM Galicia planificou un campamento dirixido a nenos con discapacidade (e os seus amigos/irmáns), na granxa escola de Lugo, Garabullos. Deixámovos un link onde podedes atopar toda a información por se algún de vós se quere apuntar. 

PREMEDE AQUÍ PARA INFO CAMPAMENTO ASEM

2. Sairon as AXUDAS DE LIBROS DE TEXTO da XUNTA, deíxamosvos a continuación un enlace a páxina web para que vos informedes onde podedes atopar toda a documentación:

PREMEDE AQUÍ PARA IR A AXUDA DE LIBROS

O prazo de presentación de instancias para a XUNTA será o seguinte:

• a) Para o alumnado de educación primaria e educación especial: do 3 de xuño ao 3 de xullo de 2013, ambos inclusive.
• b) Para o alumnado de educación secundaria obrigatoria que formalice a matrícula no prazo ordinario: do 25 de xuño ao 26 de xullo de 2013, ambos inclusive.
• c) Para o alumnado de educación secundaria obrigatoria que formalice a matrícula no prazo extraordinario: do 2 de setembro ao 2 de outubro de 2013, ambos inclusive.
• d) Para as novas incorporacións de alumnado que se produzan ao longo do curso con posterioridade aos períodos indicados, sempre que no mesmo curso escolar non estivesen matriculadas con anterioridade nun centro sostido con fondos públicos da Comunidade Autónoma de Galicia,  o prazo será de un mes e contarase a partir do día seguinte ao da formalización da matrícula. En todo caso, o prazo para presentar a solicitude para as novas incorporacións terá como data límite o 31 de marzo de 2014.