ASEMBLEA XERAL ANUAL DE PERSOAS SOCIAS DE ASPANEMI

O vindeiro día venres 25 de febreiro ás 19,30 horas en primeira convocatoria, ou as 20,30h en segunda, terá lugar a Asemblea xeral anual de ASPANEMI

ASPANEMI REÚNESE COA XERENCIA DA ÁREA SANITARIA DE FERROL

Na reunión, as representantes de ASPANEMI solicitaron que se lle dese importancia ás reclamacións, sobre todo referentes á parte de humanización, das súas socias e socios, có fin de que non se repitan comunicacións e tratos pouco respectuosos e humanizados tanto no momento do parto como posteriormente. De novo solicitaron un traballo multidisciplinar e coordinado na área de Atención Temperá, unha derivación posterior que lle dea continuidade a esa rehabilitación e unha zona de estacionamento reservado para persoas con mobilidade reducida. E incidiron na importancia que ten, en tódolos casos, pero con especial incidencia nas familias con nenxs con diversidade o pel con pel inmediato e ininterrompido, a prioridade da lactación materna e neste sentido a axilidade có banco de leite, que se cumpran os protocolos establecidos da UCIN para que o método canguro e a lactación materna sexan unha realidade, que exista información sobre posibilidades de terapia familiar e que se establezan vías de comunicación neste sentido.

Esta reunión non é excepcional, posto que se producen con certa frecuencia. Neste sentido ASPANEMI sempre foi ben recibida e síntese libre e atendida para facer a exposición de tódalas reclamacións que lle chegan, sexan puntuais ou de procesos que se repiten. Unha das necesidades que sempre se repiten, reunión tras reunión, é a de Atención Temperá, xa que ASPANEMI considera básico o traballo dun equipo coordinado de diferentes especialidades no que o fluxo de información e o tipo de comunicación sexa sempre dende o acompañamento á familia en conxunto. Feito este que evitaría ou mitigaría danos posteriores traducidos en dós non resoltos, trastornos de estrés postraumáticos, depresións, ansiedades...

ASPANEMI SÚMASE ÁS REIVINDICACIÓNS DA PLATAFORMA POR UN TRANSPORTE DIGNO PARA FERROL E COMARCA.

Concentración Xoves día 27  ás 19 horas na praza de Armas

OBRADOIRO DE FABRICACIÓN DE ADORNOS DE NADAL E NOVO OBRADOIRO DE EMOCIÓNS

 

O vindeiro sábado 11 de decembro terá lugar un obradoiro de Fabricación de adornos de nadal e un obradoiro de emocións da Asociación AS.PA.NE.MI (Asociación de Pais de Nenos con Minusvalía). Terá lugar nos locais 1 e 2 do Local Social da Solaina, en Narón, en horario de 17:00 a 20:00 horas.

As nenas e os nenos que asistan poderán desfrutar dunha tarde chea da maxia do Nadal. Confeccionaremos árbores, estrelas e todo tipo de adornos propios destas datas. Paralelo a este obradoiro celebraremos, por quendas, a terceira edición do obradoiro de emocións.Hai que lembrar que esta actividade está dentro do programa de “Respiro familiar” (subvencionado polo Concello de Ferrol); é dicir, que serve para dar un tempo libre a pais, nais e familiares dos nenos e nenas mentres que estes pasan un bo rato de ocio programado nun espazo plenamente inclusivo; posto que non só se centran no colectivo no que se basea a actividade da Entidade.

NOVO OBRADOIRO DE EMOCIÓNS

 

O vindeiro sábado 13 de novembro levarase a cabo un NOVO obradoiro de emocións. O lugar é na Asociación AS.PA.NE.MI (Asociación de Pais de Nenos  con Minusvalía). Terá lugar nos locais 1 e 2 do  Local Social da Solaina, en Narón, en horario de 17:00 a 20:00 horas. Ademáis, neste obradoiro, a parte de traballar as emocións de maneira divertida, aprenderemos a relaxarnos. 

Hai que lembrar que esta  actividade está dentro do programa de “Respiro familiar” (subvencionado polo Concello de Ferrol); é dicir, que serve para dar un tempo libre a pais, nais e familiares dos nenos e nenas mentres que estes pasan un bo rato de ocio programado nun espazo plenamente inclusivo; posto que non só se centran no colectivo no que se basea a actividade da Entidade.

OBRADOIRO DE EMOCIÓNS E OBRADOIRO DE FABRICACIÓN DE ANIMAIS CON CASTAÑAS

 

                                                                                      

O vindeiro sábado 16 de outubro levaranse a cabo os obradoiros de emocións e paralelamente o de

fabricación de animais con castañas. Os obradoiros funcionarán en quendas. O lugar é na Asociación

AS.PA.NE.MI (Asociación de Pais de Nenos con Minusvalía). Terá lugar nos locais 1 e 2 do Local

Social da Solaina, en Narón, en horario de 17:00 ás 20:00 horas.                         

Este é tempo de castañas, amais de comelas, 

podemos dar renda solta á creatividade con elas.

Neste obradoiro pasarémolo ben fabricando

animaliños con elas. De xeito paralelo, e por

quendas, asistiremos a un divertido obradoiro de

emocións.

Hai que lembrar que esta actividade está dentro do programa de “Respiro

familiar” (subvencionado polo Concello de Ferrol); é dicir, que serve para dar un

tempo libre a pais, nais e familiares dos nenos e nenas mentres que estes

pasan un bo rato de ocio programado nun espazo plenamente inclusivo; posto

que non só se centran no colectivo no que se basea a actividade da Entidade.

CAMPAÑA INFORMATIVA

Realizamos unha campaña informativa sobre a nosa asociación consistente en colocar carteles nos centros educativos e nos centros de saúde de toda a comarca. Neses carteles explicamos a funcións básicas da nosa asociación asi como as actividades que desenvolvemos, con especial atención aos talleres para Respiro familiar e a escola de Pais e nais. .